Dünya

Tramp bu gün and içəcək

20 Yanvar 2025 09:58
Baxış: 721
VTB-də minimal faiz dərəcəsi ilə nağd kredit 9.9%-dən
#DÜNYADA #ABŞ #DONALD TRAMP

2024-cü il ABŞ prezident seçkilərində qalib gələn Donald Tramp bu gün and içəcək.

Milli.Az xəbər verir ki, Tramp andiçmə mərasimindən əvvəl Vaşinqtonda bir sıra mühüm açıqlamalar verib.

Tramp tərəfdarlarına müraciət edərək, "Biz qalib gəldik. Siz qalib gəldiniz. Nə gözəl hissdir. Ölkəmizi indi olduğundan daha da irəli aparacağıq" deyib. O, ölkənin qarşılaşdığı böhranlara qarşı sürətli addımlar atacağını və inflyasiya ilə mübarizədə ciddi tədbirlər görəcəyini bildirib.

Tramp Elon Maska təşəkkür edərək onun Pensilvaniyada seçki kampaniyasına kömək etdiyini qeyd edib. Bundan əlavə, o, ABŞ-ın TikTok-un 50 faizinə sahib olacağını və bu qərarın ölkəyə böyük sərmayə gətirəcəyini bildirib.

Tramp Qəzzadakı atəşkəs razılaşmasına toxunaraq, sərhədlərin təhlükəsizliyinin təmin ediləcəyini və ABŞ ordusunun Dəmir Qübbə müdafiə sisteminin istehsalına yönləndiriləcəyini bildirib.

Qeyd edək ki, Trampın andiçmə mərasiminin tarixdə ən çox izlənilən tədbir olacağı gözlənilir. Mərasimi dünyada təxminən 150 milyon insanın izləyəcəyi bildirilir.Mərasimin yayımı Bakı vaxtı ilə saat 21:00-da başlayacaq.Donald Tramp bu gün keçiriləcək andiçmə mərasimindən sonra rəsmi olaraq ABŞ-ın 47-ci prezidenti kimi vəzifəsinin icrasına başlayacaq.

Nərmin
Milil.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.