Dünya

Suriya ordusu əks-hücuma keçdi - Bu ərazilər geri alındı

29 Noyabr 2024 18:19

Baxış: 1 410

VTB-də minimal faiz dərəcəsi ilə nağd kredit 9.9%-dən

#DÜNYADA #HADİSƏ #SURİYA #YAXIN ŞƏRQ #TERROR

Suriya üsyançıları şimal-qərbdə böyük hücuma keçərək ərazilər əldə ediblər.

Milli.Az xarici mətbuata istinadən xəbər verir ki, Suriya üsyançıları hücuma hökumətin "təcavüzünün qarşısını almaq" üçün başladıqlarını bildiriblər.

Üsyançı qüvvələr Suriyanın şimal-qərbində böyük hücuma keçərək, son illərdə ilk dəfə olaraq prezident Bəşər Əsəd qüvvələrinin ərazisini ələ keçirib.Silahlı qrup Heyət Təhrir əl-Şam (HTŞ) və müttəfiq qruplaşmalar çərşənbə günündən etibarən Hələb və İdlib əyalətlərində bir sıra qəsəbə və kəndlərə nəzarəti ələ keçirdiklərini bildiriblər.

Suriya ordusu bildirib ki, onun qüvvələri "terrorçuların" "genişmiqyaslı" hücumu ilə üzləşib və onlara ağır itkilər verib.Böyük Britaniyada yerləşən monitorinq qrupu döyüşlərdə hər iki tərəfdən 180-dən çox döyüşçünün öldürüldüyünü bildirib. Suriya və Rusiya hava qüvvələrinin müxaliflərin nəzarətində olan ərazilərə endirdiyi zərbələr nəticəsində ən azı 19 mülki vətəndaş da həlak olub.

Nərmin
Milli.Az