Dünya

Siçan dişlədi, öldü

16 Oktyabr 2024 08:54

Baxış: 676

#DÜNYADA #HADİSƏ #İSPANİYA #HEYVANLAR

İspaniyada 38 yaşlı qadın siçanın onu dişləməsi nəticəsində ölüb.

Milli.Az lent.az-a istinadən bildirir ki, mütəxəssislər siçanın dişləməsinin nadir hallarda quduzluq və bakterial infeksiyalara səbəb ola biləcəyini bildirirlər.

Bu hadisə ev heyvanı sahiblərinin diqqətli olmasının və allergik reaksiyalara hazır olmasının vacibliyini vurğulayır. Ev heyvanları ilə əlaqəli risklərdən xəbərdar olmaq və lazımi tədbirləri görmək çox vacibdir.

Bu baxımdan İspaniyanın Vilyarreal şəhərində baş verən qeyri-adi hadisə ev heyvanları sahiblərini heyrətə salıb. Belə ki, 38 yaşlı iki uşaq anası evdə saxladığı siçanın onu dişləməsi nəticəsində dünyasını dəyişib.

Kolumbiyalı qadın siçanın onu dişləməsi ilə bağlı tibbi yardım almaq üçün 11 və 17 yaşlı uşaqları ilə xəstəxanaya gedirmiş. Lakin o, xəstəxananın qarşısında qəflətən yıxılıb.

Səhiyyə işçiləri dərhal müdaxilə etsə də, qadını xilas edə bilməyiblər. Polis hadisə yerini mühasirəyə alıb və araşdırmalara başlanılıb.

Bənzəri hallar əvvəllər də olub. 2007-ci ildə İngiltərədə bir kişi siçanın dişləməsi nəticəsində anafilaktik şok keçirib. Bu hadisə siçan dişləməsinin allergik reaksiyalara səbəb ola biləcəyini göstərdi.

Bununla belə, Britaniya Hamster Assosiasiyasının rəsmiləri belə hadisələrin son dərəcə nadir olduğunu vurğulayırlar.

Milli.Az

Xəbərlərimizi WhatsApp kanalımızdan da oxuyun