Dünya

Donald Trampa sui-qəsddə şübhəli bilinən şəxsin FOTOsu - YENİLƏNİB

16 Sentyabr 2024 08:57

Baxış: 4 299

VTB-də minimal faiz dərəcəsi ilə nağd kredit 9.9%-dən

-------
08:57

Amerika mediası Donald Trampa sui-qəsddə şübhəli bilinən şəxsin adını yazıb.

Bu Ukrayna Silahlı Qüvvələrinə əcnəbiləri cəlb edən Ukrayna tərəfdarı, Şimali Karolinadan olan 58 yaşlı Rayan Uesli Routdur.

Rout həmçinin bütün ABŞ hərbçilərini Ukraynada mülki şəxs olaraq döyüşə bilmələri üçün "məzuniyyətə" göndərməyə çağırıb.

-------
07:46

Floridada Respublikaçılar Partiyasının prezidentliyə namizədi Donald Trampa sui-qəsd cəhdində şübhəli bilinən şəxs Rayan Uesli Rutdur.

Milli.Az APA-ya istinadən xəbər verir ki, bu haqda "Fox News" telekanalı mənbələrə istinadən xəbər verir.

Əldə olunan məlumata görə Rut silahın lüləsini Palm Biçdə (Florida) yerləşən Tramp Beynəlxalq Qolf Klubunun hasarından keçirib. Şübhəli şəxs Amerika administrasiyasının keçmiş rəhbərindən 270-450 m aralıda olub.

"The New York Post" isə Rayan Uesli Rutun əvvəllər Ukraynaya səfər edərək Kiyev hakimiyyətinə dəstək verdiyini yazıb.

Nəşr qeyd edir ki, Rut Əfqanıstandakı münaqişənin amerikalı veteranlarının Ukraynaya göndərilməsi ideyasını irəli sürməyə çalışıb, həm də şəxsən Kiyevin tərəfində döyüşmək arzusunu ifadə edib.

MSN News xəbər portalının məlumatına görə, təsdiqlənməmiş məlumatlara görə, Rut Ukrayna üçün vəsaitin toplanmasında da iştirak edib.

-------
07:11

ABŞ-ın sabiq prezidenti Donald Tramp dostlarına və tərəfdarlarına zarafat edərək atışma səbəbilə qolf oyununu tamamlaya bilmədiyini deyib.

Milli.Az APA-ya istinadən xəbər verir ki, bu barədə mənbələrə istinadən "New York Times" qəzeti yazıb.

"Tramp gün boyu dostları və tərəfdarları ilə söhbət edərək keçirir... və qolf oyununu bitirə bilmədiyini deyərək zarafat edir", - deyə yazıda bildirilir.

-------
23:17

ABŞ prezidentliyinə namizəd Donald Trampa qarşı növbəti sui-qəsd cəhdi baş verib.

Milli.Az xəbər verir ki, bu barədə amerikalı senator Teylor Qrin məlumat yayıb.

Bildirilib ki, Tramp sağ-salamatdır, hər hansı xəsarət almayıb.

Əlavə məlumat verilmir.

Milli.Az
Xəbərlərimizi WhatsApp kanalımızdan da oxuyun