Dünya

Rusiya cənubda niyə təzyiqi azaldıb?

20 Avqust 2024 23:40

Baxış: 1 299

VTB-də minimal faiz dərəcəsi ilə nağd kredit 10.49%-dən

Ukrayna bölmələri müdafiə əməliyyatını davam etdirir və Ukraynanın cənubunda taktiki vəziyyəti yaxşılaşdırmaq üçün tədbirlər görür.

Milli.Az axar.az-a istinadən xəbər verir ki, bunu "Tavriya" qoşunlarının əməliyyat-strateji qrupunun spikeri Dmitri Lixovi deyib.

O bildirib ki, son üç gündə Zaporojye vilayətində düşmənin bir dənə də olsun hücumu qeydə alınmayıb:

"Ruslar Novodanilovka istiqamətində irəliləməyə çalışsalar da, buna nail ola bilməyiblər. Dnepr istiqaməti indi hərbi toqquşmaların sayına görə nisbətən ən böyüyüdür. Ruslar Ukrayna Silahlı Qüvvələrinin bölmələrini Dnepr çayının sol sahilindəki yerlərdən çıxarmağa cəhd etməkdə davam edir. Ancaq dünən orada uğursuz bir hücum oldu və bu gün də Rusiyanın iki hücumu artıq dəf edilib".

O, Rusiya Federasiyasının indi Ukraynanın cənubunda niyə təzyiqləri azaltdığını da açıqlayıb:

"Rusların eyni vaxtda bir neçə istiqamətdə kütləvi hücum effekti həyata keçirməyə imkan verəcək resursu yoxdur. Ona görə də onlar indi bütün güclərini hər gün onlarla hücumun baş verdiyi Pokrovsk istiqamətində cəmləşdirirlər".

Milli.Az
Xəbərlərimizi WhatsApp kanalımızdan da oxuyun