Dünya

Türkiyə bu ölkədəki vəziyyətlə bağlı bəyanat yaydı

25 May 2024 21:51

Baxış: 680

VTB-də minimal faiz dərəcəsi ilə nağd kredit 10.49%-dən

#TÜRKİYƏ

Türkiyənin Xarici İşlər Nazirliyi (XİN) son vaxtlar Myanmada artan münaqişələrlə bağlı bəyanat yayıb.

Milli.Az axar.az-a istinadən xəbər verir ki, Myanmada son aylarda şiddətlənən münaqişələr və mülki əhali arasında artan itkiləri böyük narahatlıq hissi ilə izlədiklərini bildirən XİN bölgəyə humanitar yardımların çatdırılması üçün çağırış edib.

"Son günlərdə başda Rohinqa müsəlmanları olmaqla, Arakan əyalətindəki mülki əhaliyə qarşı edilən hücumlar və on minlərlə insanın yerindən didərgin edilməsinə yol açan hüquq pozuntuları ilə bağlı xəbərlər bizi dərindən kədərləndirir", - bəyanatda bildirilib.

Nazirlik münaqişə tərəflərini beynəlxalq hüquq və humanitar normalara əməl edərək, mülki əhali və infrastrukturu qorumağa, etnik və ya dini münaqişələri artıracaq hərəkətlərdən çəkinməyə çağırıb.

Milli.Az
Xəbərlərimizi WhatsApp kanalımızdan da oxuyun