PUL
.jpg)
Avropa İttifaqı Şurasının prezidenti Şarl Mişel Avropa Parlamentinə seçkilərə qədər tutduğu vəzifədən istefa verməyəcək, o, öz funksiyalarını seçkilərə hazırlıqla birləşdirəcək.
Milli.Az report.az-a istinadən xəbər verir ki, bu barədə "TASS" mənbəyə istinadən məlumat yayıb.
Aİ rəhbərinin səlahiyyətləri planlaşdırılandan beş ay əvvəl Mişelin varisinə veriləcək. Bu, 2024-cü ilin iyununda baş verəcək.
Mənbə vurğulayıb ki, Mişel hazırkı səlahiyyətləri başa çatmamış Avropa Parlamentinə seçkilərdə namizədliyinin irəli sürülməsinin Avropa İttifaqını zəiflətməyəcəyinə əminliyini ifadə edib. Mənbə bildirib ki, seçkilərdə iştirak onun demokratik legitimliyini yalnız gücləndirəcək.
Bundan əvvəl məlum olub ki, qurumun rəhbəri Şarl Mişel istefa verdikdən sonra Avropa Şurasına sədrlik müvəqqəti olaraq Macarıstanın baş naziri Viktor Orbana keçə bilər, çünki bu ölkə 2024-cü ilin iyulundan dekabr ayına kimi Avropa Şurasına sədrlik edəcək.
Milli.Az
Xəbərlərimizi WhatsApp kanalımızdan da oxuyun
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
_287867.jpg)
