Dünya

144 yük maşını Qəzzaya daxil olub

17 Noyabr 2023 07:12
Baxış: 759
VTB-də minimal faiz dərəcəsi ilə nağd kredit 9.9%-dən
#DÜNYADA

Beynəlxalq humanitar yardım daşıyan ən azı 144 yük maşını cümə axşamı günü Rəfah keçidi vasitəsilə Qəzza zolağına daxil olub.

Milli.Az AZƏRTAC-a istinadən bildirir ki, bu barədə İsrail Hökumətinin Fələstin Ərazilərində Fəaliyyətlərin Koordinasiyası İdarəsi məlumat yayıb.

Məlumatda qeyd olunur ki, yük maşınları müvəqqəti saxlama məntəqəsinin fəaliyyəti üçün su, ərzaq, tibbi avadanlıq və ilkin tələbat malları gətirib.

Anklava daxil olan yük maşınlarının 88-də ərzaq (1765 ton), 21-də tibbi avadanlıq (198 ton), 18-də su (340 ton), 7-sində ilkin tələbat malları (110 ton), 10-da isə qarışıq yüklər (192 ton) olub.

Qeyd edək ki, Qəzza zolağına humanitar yardımın çatdırılması Yaxın Şərqdə münaqişənin gərginləşməsinin başlamasından iki həftə sonra oktyabrın 21-də başlayıb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.