Dünya

Muzeyə gedən qadın eksponatlar arasında öz ürəyini gördü - FOTO

24 May 2023 17:36

Baxış: 1 311

VTB-də minimal faiz dərəcəsi ilə nağd kredit 9.9%-dən

#MARAQLI

Britaniyanın Rinqvud şəhərində maraqlı hadisə yaşanıb. Belə ki, hempşirli qadın vaxtilə donor orqanla əvəzlədiyi ürəyini muzeydə görüb.

Milli.Az oxu.az-a istinadən xəbər verir ki, məlumata görə, hazırda 38 yaşında olan Cennifer Satton tələbə olarkən səhhətində problemlər hiss etməyə başlayıb. O, orta dərəcədə fiziki iş görməkdə belə çətinlik çəkib. Tezliklə ona məhdudlaşdırıcı kardiomiopatiya diaqnozu qoyulub. Həkimlər ona ürək transplantasiyasına ehtiyac olduğunu bildiriblər.

Donor üçün uzun axtarışlardan sonra Satton həyatını xilas edən əməliyyatdan keçib.

Bundan sonra o, Kral Cərrahlar Kollecinə ürəyindən sərgi üçün istifadə etməyə icazə verib.

Satton bu hadisədən 16 il sonra Londondakı Hunterian Muzeyində eksponatlar arasında sərgilənən ürəyini görüb.

İngiltərəli qadın bu tamaşanı inanılmaz surreal adlandırıb.

"Əvvəlcə düşünürsən - "bu, mənim bədənimdə idi". Amma bu, olduqca xoşdur. O, mənim dostum kimidir. Bu ürək 22 il mənim həyatımı saxlayıb və mən onunla həqiqətən fəxr edirəm", - deyə Satton hisslərini bölüşüb.

Milli.Az