Dünya

Malatyada zəlzələ oldu: dağıntılar var - 1 nəfər ölüb, 110 nəfər yaralanıb - YENİLƏNİB - VİDEO - FOTO

27 Fevral 2023 17:12

Baxış: 4 728

VTB-də minimal faiz dərəcəsi ilə nağd kredit 10.49%-dən

#VİDEO #ZƏLZƏLƏ

17:12

Malatyada zəlzələ nəticəsində yaralananların sayı 110 nəfərə çatıb.

Bunu ölkənin Fövqəladə Halların İdarə Olunması Agentliyinin (AFAD) rəhbəri Yunus Sezer bildirib.

Onun sözlərinə görə, dağıntılar altından 32 nəfər xilas edilib.

--------

14:28

Türkiyənin Malatya şəhərinin Yeşilyurd rayonunda bu gün günorta saatlarında baş verən zəlzələ nəticəsində 1 nəfər ölüb, 69 nəfər yaralanıb.

Bununla bağlı AFAD rəhbəri Yunus Sezer məlumat verib.

-------
13:33

Türkiyənin Malatya əyalətinin Yeşilyurt rayonunda 5,6 maqnitudada zəlzələ olub.

Milli.Az xəbər verir ki, bu barədə ölkənin Fövqəladə Halların İdarə Olunması Agentliyi (AFAD) məlumat yayıb.

Nəticədə bəzi binalar dağıntıya məruz qalıb. Bölgəyə xilasedici dəstələr göndərilib.

Malatya vilayətinin mərkəzində bir zədəli binanın, Yaşılyurdda isə bir neçə ağır zədəli binanın uçduğu bildirilir.

Qeyd edək ki, fevralın 6-da ocağı Türkiyənin Kahramanmaraş şəhərinin Pazarcık rayonunda olan 7,7 maqnitudalı və 9 saat sonra episentri eyni şəhərin Elbistan rayonu olan 7,6 maqnitudalı iki zəlzələ olub.

Güclü yeraltı təkanlardan sonra bölgədə 6,6 maqnitudayadək 6 000-dən çox afterşok qeydə alınıb. İki zəlzələ həmçinin Livan, Kipr, İraq, İsrail, İordaniya, İran və Misirdə hiss edilib.

Təbii fəlakət Türkiyə və Suriyada böyük dağıntı və onminlərlə itkiyə səbəb olub. Türkiyənin zəlzələ baş verən 10 şəhərində 3 aylıq fövqəladə vəziyyət elan olunub.

Bu hadisə Türkiyədə 1939-cu ildən bəri qeydə alınan ən güclü zəlzələ kimi tarixə düşüb.

Zəlzələdən dərhal sonra Azərbaycanda qardaş ölkə üçün yardım toplanmasına başlanılıb. Hadisə nəticəsində 44 374 nəfər ölüb.

Milli.Az