Dünya

Türkiyənin 10 əyalətində fövqəladə vəziyyət tətbiq edilir

8 Fevral 2023 07:00

Baxış: 770

VTB-də minimal faiz dərəcəsi ilə nağd kredit 10.49%-dən

#TÜRKİYƏ #ZƏLZƏLƏ

Türkiyə Prezidenti Rəcəb Tayyib Ərdoğanın zəlzələ ilə əlaqədar Türkiyənin 10 əyalətində fövqəladə vəziyyətin tətbiqi ilə bağlı sərəncamı dərc edilib.

Milli.Az Trend-ə istinadən bildirir ki, sərəncama əsasən, Türkiyənin Adana, Adıyaman, Diyarbəkir, Qaziantep, Hatay, Kahramanmaraş, Kilis, Malatya, Osmaniye və Şanlıurfa əyalətlərində fevralın 8-i saat 01:00-dan etibarən 3 ay müddətinə fövqəladə vəziyyət elan edilib.

Xatırladaq ki, ötən gün Türkiyədə səhər saatlarında 7.7 bal gücündə zəlzələ baş verib. Dərinliyi 7 kilometr olduğu müəyyən edilən zəlzələ Hatay, Qaziantep, Kilis, Osmaniye, Malatya, Adıyaman, Şanlıurfa, Diyarbəkir, Adana və Kahramanmaraş vilayətlərində ciddi dağıntılara səbəb olub.

Son məlumatlara əsasən, zəlzələ nəticəsində 5 894 nəfər həlak olub, 34 810 nəfər isə yaralanıb.

Milli.Az