Dünya

Oteldə milyon litr su olan nəhəng akvarium partlayıb, yaralananlar var - VİDEO

17 Dekabr 2022 15:36
Baxış: 1 752
VTB-də minimal faiz dərəcəsi ilə nağd kredit 10.49%-dən

Berlindəki "Dom Aquaree" otelində milyon litr su ilə doldurulmuş 16 metrlik akril şüşəli olan akvarium partlayıb.

Milli.Az bildirir ki, hadisə nəticəsində iki nəfər yaralanıb.

Qeyd olunub ki, hadisə səhər saat 5:45 radələrində baş verib, su akvariumu balıqlarla birlikdə küçəyə tökülərək binanın fasadını sındırıb. Hadisə şahidlərinin çəkdiyi videoda hadisənin nəticələri - dağıdılmış otelin foyesi və su basmış küçələr əks olunub.

Hadisə nəticəsində zərərçəkənlərin artıq xəstəxanaya aparıldığı, "Dom Aquaree"nin qalan müştərilərinin isə xilasetmə xidməti tərəfindən təxliyə olunaraq müayinə olunduğu dəqiqləşib. Ümumilikdə oteldə təxminən 350 nəfər olub.

Hazırda oteldə itləri olan xilasedicilər işləyir. Onlar bildiriblər ki, içəridə akvarium parçaları və mebel var, su axmağa davam edir. Hadisənin səbəbləri araşdırılır. Berlin yol idarəsinin məlumatına görə, otelinin yerləşdiyi Karl-Libkneht-Ştrasse küçəsi subasma səbəbindən bağlanıb.

"Dom Aquaree"dəki akvarium 2003-cü ildə 12,8 milyon avroya tikilib. Təmir 2020-ci ildə aparılıb. Medianın məlumatına görə, akvariumun içərisində təxminən 97 növdən 1500-ə yaxın balıq olub. Bu, unikal dizaynı ilə dünyanın ən böyük silindrik akvariumlarından biri olub və müstəsna turistik yer hesab olunub.

İrfan Vəliyev
Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.