PUL
.jpg)
Avstraliyanın "Ballina" hava limanında baqaj qəbulu zamanı cinayətkar klanların üzvləri arasında şiddətli dava düşüb.
Milli.Az bildirir ki, hadisənin videosunu 9news yayıb.
Videoda baqaj kəmərin yanında dayanan bir nəfərin izdihamın arasından keçən sərnişini görüb dərhal onunla şiddətli döyüşə başlaması anları çəkilib: turistlər bir-birinə yumruq vurub, münaqişənin şahidləri isə tələsik hadisə yerindən qaçıblar.
Sonra hər tərəfdən başqa şəxslər davaya qoşulub - kişilər cütlərə bölünüb və bir-birlərini döyməyə davam ediblər. Bir müddət sonra turistləri hava limanı polisi ayırıb. Sonradan məlum olub ki, davada Avstraliyanın Yeni Cənubi Uels ştatında fəaliyyət göstərən Hamzi və Alameddin ailələrinin mafioz dəstələrinin üzvləri iştirak ediblər.
İrfan Vəliyev
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
