Dünya

Yeddi metrlik piton qadını uddu

27 Oktyabr 2022 15:26
Baxış: 6 170
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

İndoneziyanın Cambi əyalətində yeddi metrlik piton 54 yaşlı qadını yeyib.

Milli.Az bildirir ki, bu barədə "The Mirror" məlumat yayıb.

İlan hücumu zamanı qadın plantasiyada kauçuk yığıb. O, axşam saatlarında evə qayıtmayıb və narahat olan ailəsi axtarışa başlayıb. İki gün sonra yaxınlıqda qarnı şişmiş nəhəng piton tapılıb. Onun qarnı yarıldıqda itkin düşənin cəsədi içəridən tapılıb.

Qadının yaşadığı kəndin başçısı Anto pitonun ona hücum etdiyini, daha sonra sarılaraq boğmağa başladığını deyib. Qadın öləndə ilan onu udub. "İndi kəndlilər qorxurlar ki, meşədə daha böyük ilanlar da var", - Anto əlavə edib.

İndoneziyada dünyanın ən böyük ilanları hesab edilən torlu pitonlar var. Onların uzunluğu yeddi metrdən çox ola bilər. İlanlar pusqudan hücum edir, qurbanın ətrafında dolanır, nəfəsi dayanana qədər sıxır və sonra onu bütövlükdə udur.

İrfan Vəliyev
Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.