PUL
.png)
.jpg)
.jpg)
Rusiyada Nijni Novqorod sakini həkimlərin köməyinə müraciət etmədən mənzildə uşaq dünyaya gətirib və körpəni pəncərədən kolluqlara atıb.
Milli.Az bildirir ki, bu barədə Rusiya İstintaq Komitəsinin regional istintaq idarəsinin saytında məlumat verilib.
Ağlayan yeni doğulmuş körpə Aqronomiçeskaya küçəsindəki kolluqlarda yoldan keçənlər tərəfindən tapılıb. O, ağır vəziyyətdə uşaq xəstəxanasına çatdırılıb. Hazırda həkimlər uşağın həyatı üçün mübarizəni davam etdirirlər.
Körpənin anasını tapmaq üçün müstəntiqlər mikrorayon sakinlərinin demək olar ki, hamısının yanaqlarının daxili hissəsindən epiteldən nümunələr götürüb və onların DNT-sini yeni doğulmuş körpənin DNT-si ilə müqayisə ediblər. Sonradan məlum olub ki, ana uşağın tapıldığı kolluqların yanındakı mənzildə yaşayan 24 yaşlı rus qadındır.
Dindirmə zamanı o, əvvəlcə uşaq böyütməklə məşğul olmayacağını və ondan yaxa qurtarmaq qərarına gəldiyini deyib. Müstəntiqlərin bildirdiyinə görə, bu məqsədlə Nijni Novqorodlu qadın uşağı mənzilin pəncərəsindən kolluqların arasına atıb.
Qadına qarşı Rusiya Federasiyası Cinayət Məcəlləsinin 106-cı maddəsinin 30-cu maddəsinin 3-cü hissəsi ("Yeni doğulmuş uşağı ana tərəfindən öldürməyə cəhd") ilə cinayət işi açılıb.
İrfan Vəliyev
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.jpg)
.jpg)
.jpg)
.jpg)
.jpg)
