Sağlamlıq

Ürək hüceyrə terapiyasını daha təhlükəsiz edən YENİ ÜSUL

13 Dekabr 2025 05:05

Baxış: 1 195

VTB-də minimal faiz dərəcəsi ilə nağd kredit 9.9%-dən

#SAĞLAMLIQ

Amerikalı alimlər ürək hüceyrə terapiyasının təhlükəsizliyini artıran yeni yanaşma təqdim ediblər.

Milli.Az xəbər verir ki, araşdırma "Science" jurnalında dərc olunub.

Harvard Universitetinin tədqiqatçıları aşkar ediblər ki, RADA16 adlı öz-özünə yığılan peptid kök hüceyrələrdən əldə olunan ürək əzələsi hüceyrələrinin ürək toxumasına daha yaxşı uyğunlaşmasına və ritmlə sinxronlaşmasına kömək edir. Araşdırma "Science" jurnalında dərc olunub.

Mütəxəssislər xüsusi nanoelektronika ilə təchiz edilmiş "kiborg-organoidlər" vasitəsilə köçürülmüş hüceyrələrin işləyən ürəkdə davranışını real vaxtda izləyə biliblər. Bu, aritmiyaya səbəb olan uyğunsuz hüceyrə ritmlərini dəqiq müəyyən etməyə imkan verib.

Tədqiqat göstərib ki, RADA16 ilə birlikdə köçürülən hüceyrələr daha sinxron fəaliyyət göstərir və aritmiya riski minimuma enir.

Alimlər hesab edir ki, bu yanaşma ürək regenerasiyası sahəsində daha təhlükəsiz müalicə strategiyalarının hazırlanmasına şərait yaradacaq.

Mina Mikayılova
Milli.Az