Dünya

Beşinci mərtəbədən yıxılan uşağı tutdu - VİDEO

22 İyul 2022 19:30

0 Şərh Baxış: 1 678

VTB-də minimal faiz dərəcəsi ilə nağd kredit 10.49%-dən

#VİDEO #ÇİN

Çinin Zhejiang əyalətinin Tongxiang şəhərinin sakini pəncərədən yıxılan iki yaşlı qızı tutub.

Milli.Az bildirir ki, bu barədə SCMP məlumat yayıb.

31 yaşlı Şen Donq avtomobilini küçədə saxlayan zaman yüksəklikdən gələn səs eşidib. Məlum olub ki, iki yaşlı qız beşinci mərtəbənin pəncərəsindən yıxılaraq yaşayış kompleksinin birinci mərtəbəsindəki terrasın polad damına düşüb. Çinlilər xilasediciləri çağırmağa başladılar və həmkarı ilə birlikdə uşağa kömək etməyə tələsdilər.

Düşərək qız tərpənməyə başlayıb və terrasın kənarından sürüşüb. Kişi telefonu yerə atıb və uşaq betonun üzərinə düşməmiş onu tutub. Yıxılma nəticəsində qızın ayaqları və ciyərləri zədələnsə də, vəziyyətinin stabil olduğu bildirilir.

"Düzünü desəm, təfərrüatları xatırlamıram. Həmin an əllərimin ağrıdığını xatırlamıram. Sadəcə onu tutmaq instinkt idi. Bəxtim gətirdi ki, onu vaxtında tutdum. Əks halda, özümü dəhşətli hiss edərdim", - deyə Şen Donq bildirib. Terasın damındakı polad örtük zərbəni yumşadıb.

Bu paylaşım sosial şəbəkələrdə yayılıb və milyonlarla istifadəçinin marağına səbəb olub. "O, kritik anda cəsarətlə hərəkət edən super qəhrəmandır. Ümid edirəm ki, mükafat olaraq ona mobil telefon alacaqlar, çünki köhnə telefonu zədələnib", - istifadəçilərdən biri bildirib.

İrfan Vəliyev
Milli.Az