Dünya

Yunanstanda qəzaya düşən Ukrayna təyyarəsi bu ölkəyə silah daşıyırmış - YENİLƏNİB - VİDEO

17 İyul 2022 12:10

0 Şərh Baxış: 1 351

VTB-də minimal faiz dərəcəsi ilə nağd kredit 10.49%-dən

#VİDEO #UKRAYNA

12:10

Yunanıstanda qəzaya uğrayan Ukraynanın "Meridian" şirkətinə məxsus "An-12" təyyarəsində Serbiyadan Banqladeş üçün nəzərdə tutulmuş 11,5 ton silah daşınırmış.

APA-nın TASS-a istinadən verdiyi xəbərə görə, bunu Serbiya baş nazirinin müavini, müdafiə naziri Neboyşa Stefanoviç bildirib.

Neboyşa Stefanoviç təyyarənin Serbiyadan Ukraynaya silah daşıdığı barədə xəbərlərin isə yalan olduğunu vurğulayıb.

Serbiya müdafiə naziri qəza zamanı təyyarənin 8 heyət üzvünün həlak olduğunu bildirib.

Təyyarənin Serbiyanın Niş hava limanından yerli vaxtla saat 20:40 radələrində havaya qalxıb. Təyyarənin Niş-Əmman-Ər-Riyad, Əhmədabad-Dakka marşrutunun öncədən razılaşdırıldığı da açıqlanıb. Təyyarə Yunanıstanın Kavala şəhərindən 40 km uzaqlıqda yerə çırpılıb.

-------

09:15

Ukraynaya məxsus "Antonov An-12BK" yük təyyarəsi Yunanıstanın şimalındakı Kavala şəhəri yaxınlığında qəzaya uğrayıb.

Milli.Az report-a istinadən xəbər verir ki, bu barədə "Greek City Times" məlumat yayıb.

"Ukraynaya məxsus An-12 təyyarəsi Serbiyanın Niş hava limanından İordaniyanın paytaxtı Əmman şəhərinə uçarkən pilotun Tasos adasının cənubunda fövqəladə vəziyyət elan etməsindən sonra Yunanıstanın şimalında qəzaya uğrayıb. Təəssüf ki, təyyarə Kavala hava limanına çata bilməyib ", - nəşrin saytındakı məlumatda deyilir.

Hadisə zamanı yük təyyarəsində 8 nəfər olub. Onların taleyi barədə məlumat yoxdur.

Milli.Az