Dünya

Britaniyada yanacağın qiyməti kəskin artır

31 May 2022 19:30
0 Şərh     Baxış: 1 086
VTB-də minimal faiz dərəcəsi ilə nağd kredit 9.9%-dən
#BRİTANİYA #BENZİN

Böyük Britaniyada benzinin orta qiyməti bir litr üçün 1,73 funt-sterlinqi (2,18 dollar) ötüb.

Milli.Az "Qafqazinfo"ya istinadən xəbər verir ki, bu da ölkədə indiyə qədər qeydə alınan ən yüksək göstərici hesab olunur.

Məlumata görə, Böyük Britaniyada Rusiyaya qarşı sanksiyalar fonunda dizelin qiymətində də maksimum artım müşahidə olunur. Belə ki, hazırda dizelin 1 litri 1,82 funt sterlinqə (2,3 dollar) satılır. Bildirilir ki, bir il əvvəl isə Böyük Britaniyada benzin və dizelin litri müvafiq olaraq 1,29 və 1,31 funt sterlinqə satılırdı.

Ekspertlər ölkədə benzin qiymətlərinin artmasını Avropa İttifaqı tərəfindən Rusiyadan karbohidrogenlərin idxalına qoyulan yeni məhdudiyyətlərlə əlaqələndirirlər.

Xatırladaq ki, Avropa İttifaqı (Aİ) liderləri Rusiyaya qarşı altıncı sanksiyalar paketi ilə bağlı razılığa gəlib. Sözügedən sanksiyalar Rusiyadan neft idxalına qadağa qoymağa imkan verəcək. Belə ki, indiki mərhələdə sanksiyalar Rusiyadan neft idxalının 75%-nə şamil olunacaq. İlin sonuna qədər isə qadağa Avropaya idxal edilən Rusiya neftinin 90%-nə qoyulacaq.

Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.