Dünya

Amsterdama uçan təyyarədə sərnişinlərin kütləvi davası – VİDEO

7 May 2022 16:07
0 Şərh     Baxış: 1 087
VTB-də minimal faiz dərəcəsi ilə nağd kredit 10.49%-dən

Mançesterdən Amsterdama KLM aviaşirkətinin reysi ilə uçan sərnişinlərin kütləvi davası videoya çəkilib.

Milli.Az oxu.az-a istinadən xəbər verir ki, bu barədə "Daily Mail" məlumat yayıb.

Nəşrin məlumatına görə, baş verənlərin təfərrüatı hələ də dəqiqləşdirilir. Davanı mobil telefonu ilə lentə alan sərnişinin dediyinə görə, insidentin başlamasına səbəb 20 yaşlarında gənc britaniyalının irqçi ifadəsi olub.

Videoda üç nəfərin bir sərnişinin üzərinə atılaraq necə zərbələr endirməyə başladığı görünür. Hücuma məruz qalan şəxsin iki yol yoldaşı onun müdafiəsinə qalxıb və cavab olaraq xəsarət yetirənləri döyməyə başlayıb. Ekipaj üzvləri dava edənləri ayıra bilməkdə çətinlik çəkiblər, yalnız pilotun müdaxiləsindən sonra buna nail olunub.

Daha sonra təyyarə komandiri polislə əlaqə saxlayıb. Niderlandın paytaxtına çatdıqdan sonra altı qanun pozucusu saxlanılıb, onlardan biri yüngül xəsarətlər alıb. Aviaşirkət hadisə zamanı ekipaj üzvlərindən heç birinin xəsarət almadığını bildirib.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.