Dünya

Vahid Ələkbərov 17,4 milyard dollar itirib - Siyahı

1 Aprel 2022 16:06

2 Şərh Baxış: 1 610

VTB-də minimal faiz dərəcəsi ilə nağd kredit 10.49%-dən

#RUSİYA-UKRAYNA MÜHARİBƏSİ

Rusiyanın ən varlı sahibkarlarının ümumi sərvəti ilin əvvəlindən bu günə kimi 50,1 milyard dollar azalıb.

Milli.Az qafqazinfo-ya istinadən xəbər verir ki, bu barədə məlumatı " Bloomberg Billionaires Index (BBI)" reytinqinə əsasən "RİA Novosti" yayıb.

Məlumata görə, sərvəti ən çox azalan sahibkar "Lukoyl" şirkətinin prezidenti və həmtəsisçisi, Azərbaycan əsilli iş adamı Vahid Ələkbərov olub.

Belə ki, onun sərvəti 17,4 milyard dollar həcmində azalıb. Dekabr ayında milyarderin sərvəti 26,16 milyard dollar olaraq qiymətləndirilirdi.

Bununla yanaşı, hazırda Rusiyanın ən varlı insanı, "Nornikel" şirkətinin əsas sahiblərindən biri olan Vladimir Potanin ilin əvvəlindən bu yana 1,47 milyard dollar itirib. Bununla belə, onun sərvəti 29,4 milyard dollar olaraq qiymətləndirilir.

Rusiyalı milyarder Roman Abromoviçin sərvəti isə ilin əvvəlindən 3,6 milyard dollar azalaraq 14,4 milyard dollar təşkil edib.

Milli.Az