Sağlamlıq

Alimlər xəstənin öz hüceyrələrindən damar hazırladı

10 Dekabr 2025 22:00

Baxış: 305

VTB-də minimal faiz dərəcəsi ilə nağd kredit 10.49%-dən

#SAĞLAMLIQ

Alimlər xəstənin öz hüceyrələrindən qan damarları formalaşdıran texnologiya hazırlayıblar.

Milli.Az xəbər verir ki, Rusiyada Sıçınov Universitetinin Onkologiya, Rekonstruktiv Cərrahiyyə və Radiologiya Klinikasında xəstənin öz hüceyrələrindən uzunluğu 10 sm-ə qədər olan qan damarlarını laboratoriya şəraitində formalaşdırmağa imkan verən yeni biotexnoloji üsul hazırlanıb. Universitetdən bildirilib ki, texnologiya orta və kiçik diametrli damarların biotifabrikasiya prinsipi ilə əldə olunmasına əsaslanır.

Tədqiqat çərçivəsində xəstənin damar daxili qişasından əldə edilən endoteliya hüceyrələri stromal və hamar əzələ hüceyrələri ilə birlikdə kultivasiya olunur. Daha sonra bu hüceyrələr xüsusi sintetik karkas üzərinə qat-qat yerləşdirilir və konstruksiya "dozunması" üçün xüsusi bioreaktora yerləşdirilir.

Sıçınov Universitetinin professoru, Rusiya Elmlər Akademiyasının akademiki İqor Reşetovun sözlərinə görə aparılan heyvan sınaqları artıq müsbət nəticələr göstərib. Formalaşdırılmış damar protezləri yaxşı uyğunlaşma nümayiş etdirib, qan dövranını bərpa edib və 3 aylıq müşahidə dövründə tromboz və tıxanma əlamətləri qeydə alınmayıb.

Bu texnologiyanın gələcəkdə damar cərrahiyyəsində oblitereasiyaedici endarteriit kimi xəstəliklərin müalicəsində, həmçinin uşaqlarda anadangəlmə damar qüsurlarının aradan qaldırılmasında tətbiq ediləcəyi gözlənilir.

İsmayıl
Milli.Az