Dünya

Fransa "Olimpiya boykotu"na qoşulmayacaq

30 Yanvar 2022 23:17
0 Şərh     Baxış: 354

Fransa Pekində keçiriləcək Qış Olimpiya Oyunlarının diplomatik boykotuna qoşulmayacaq.

Milli.Az teleqraf.com-a istinadən bildirir ki, bunu Fransanın Avropa məsələləri üzrə dövlət katibi Klement Bon bildirib.

O, RTL radiosunun efirində deyib: "Oyunlarda idman naziri Roksana Marasineanu da iştirak edəcək. O, yəqin ki, açılış mərasimində olmayacaq, amma olimpiada zamanı idmançılarımızı dəstəkləməyə gələcək".

Bundan əvvəl Fransa Prezidenti Emmanuel Makron fevralın 4-də Pekində başlayacaq Olimpiadanın diplomatik şəkildə boykot edilməsi ideyasını mənasız hesab etdiyini söyləyib.

ABŞ və bir sıra başqa ölkələr Çində insan hüquqlarının vəziyyətinə etiraz etmək üçün boykot qərarına gəliblər.

Diplomatik boykot ölkənin Oyunlara hökumət nümayəndə heyətini göndərməməsi deməkdir. Eyni zamanda, idmançılar yarışlarda iştirak edirlər.

2022-ci il Qış Olimpiya Oyunları fevralın 4-dən 20-dək Pekində keçiriləcək.

Milli.Az

İllik 14.5%-dən 30 000 manat zaminsiz komissiyasız kredit

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics