Dünya

Yeni qurbağa növü aşkarlanıb

12 Yanvar 2022 22:30
0 Şərh     Baxış: 807
VTB-də minimal faiz dərəcəsi ilə nağd kredit 9.9%-dən

Beynəlxalq bioloqlar qrupu Panamada qurbağanın yeni növünü aşkarlayıblar. Gənc isveçli fəal Qreta Tunberqin şərəfinə və onun iqlim böhranı ilə mübarizədə səylərinə görə bu yeni növə "Qreta Tunberq" adı verilib.

Milli.Az AZƏRTAC-a istinadən bildirir ki, "Qreta Tunberq" qurbağası (elmi adı "Pristimantis gretathunbergae sp.nov.") Cənubi Amerikada rast gəlinən suda-quruda yaşayan quyruqsuzlar növünə aid yağış qurbağaları qrupuna daxildir.

Tropik meşələrin qorunmasına və dayanıqlı inkişafına yardım edən ADOPTA qeyri-hökumət təşkilatının rəhbəri, bioloq Qvido Bergidonun sözlərinə görə, Panamanın endemiki olan yeni qurbağa növü yalnız Panama Respublikasında qeydə alınıb və Daryen əyalətinin, həmçinin mərkəzi Panamanın yüksək dağlarında yaşayır. Yəni yayılma sahəsi çox məhdud olan bu növün nəsli kəsilmək təhlükəsi var.

Panamanın Ətraf Mühit Nazirliyinin və ADOPTA qeyri-hökumət təşkilatının məlumatına görə, qurbağanın gözlərinin rənginin qara olması Mərkəzi Amerika yağış qurbağalarının unikal xüsusiyyətidir, onun yaxın "qohum"ları isə Kolumbiyanın şimal-qərbində məskunlaşır.

Bu qurbağaların nəslinin kəsilməsi təhlükəsi birbaşa iqlim dəyişmələri ilə bağlıdır. Temperaturun qalxması onların dağlıq yaşayış mühitini məhv edir, çünki bu region son illər ərzində artıq öz meşə örtüyünün 30 faizini itirib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.