PUL
.jpg)
Suriyada Şam rəhbərliyi və YPG/SDG qruplaşması arasında atəşkəs əldə olunduqdan sonra Türkiyə Prezidenti Rəcəb Tayyib Ərdoğan Suriya Prezidenti Əhməd Şara ilə telefon danışığı aparıb. Ərdoğan Türkiyənin başda terrorla mübarizə olmaqla, bir çox sahədə Suriyaya dəstəyinin artaraq davam edəcəyini bildirib.
Türkiyə Prezident Administrasiyasının Kommunikasiya idarəsinin rəhbəri Burhanəddin Duran görüşlə bağlı bu məlumatları paylaşıb:
Görüşdə Türkiyə-Suriya əlaqələri və ölkədəki son vəziyyət müzakirə olunub.
Prezident Ərdoğan Türkiyənin Suriyanın ərazi bütövlüyünə, birliyinə və sabitliyinə böyük önəm verdiyini vurğulayıb.
Ərdoğan qeyd edib ki, Suriya torpaqlarının terrordan tamamilə təmizlənməsi həm region, həm də Suriya üçün zəruridir. O, Türkiyənin bu istiqamətdə Suriyaya hər cür dəstəyi verəcəyini təsdiqləyib.
Xatırladaq ki, Suriya ordusu yanvarın 13-də Fəratın qərbindəki bölgələri "qapalı hərbi zona" elan etmiş və bütün silahlı qruplardan oranı tərk etmələrini tələb etmişdi. Keçən həftə isə Hələbin bəzi məhəllələri (Eşrefiye, Şeyx Maqsud və Beni Zeyd) ordunun nəzarətinə keçmişdi.
Suriya hökuməti ilə Suriya Demokratik Qüvvələri (SDG) arasındakı razılaşmaya əsasən:
SDG-yə bağlı hərbi qüvvələr Fərat çayının şərqinə çəkiləcək.
Deyrizor və Rakka vilayətləri Suriya hökumətinin nəzarətinə veriləcək.
Suriya Prezidenti Şara atəşkəsi elan edərkən bildirib ki, Məzlum Abdi ilə nəzərdə tutulan görüş hava şəraiti ilə bağlı təxirə salınsa da, qruplaşma ilə bağlı bütün problemlər aradan qaldırılacaq.
Lalə Qüdrətova
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.png)
.jpg)
.jpg)
.jpg)
.png)
