Türkiyə

Türk sənət dünyasına ağır itki

15 May 2025 15:36

Baxış: 1 835

VTB-də minimal faiz dərəcəsi ilə nağd kredit 9.9%-dən

#HADİSƏ #TÜRKİYƏ

"Selvi Boylum Al Yazmalım" filminin ssenari müəllifi və tanınmış rejissor Ali Özgentürk 80 yaşında vəfat edib.

Milli.Az xəbər verir ki, tanınmış türk rejissoru və ssenarist Ali Özgentürk 80 yaşında vəfat edib. O, "Selvi Boylum Al Yazmalım", "Hazal", "At" və "Balkaya" kimi unudulmaz filmlərə imza atmışdı.

Bu barədə rejissorun qardaşı, jurnalist Nebil Özgentürk sosial şəbəkədə məlumat verib. O, paylaşımında belə yazıb: "Gəncliyində teatrçı, 50 ildir ki, kinorejissor idi. Simay və Dünya adlı iki övladı vardı. 'Hazal' və 'At' başda olmaqla ümumilikdə 15 filmin rejissoru idi.

Ali Özgentürk 1945-ci ildə Adanada doğulub. İstanbul Universitetində fəlsəfə və sosiologiya təhsili alıb. Kino karyerasına kamera assistenti kimi başlayıb və Atıf Yılmazla Yılmaz Güney kimi rejissorlara kömək edib. 1979-cu ildə çəkdiyi ilk tammetrajlı filmi "Hazal"la bir çox mükafata layiq görülüb.

Yalnız rejissorluqla deyil, həm də ssenarist, prodüser və aktyor kimi də bir çox layihədə iştirak edən Ali Özgentürk, tələbəlik illərindən teatrla da maraqlanıb. 1970-ci illərdə "Ferhat" və "Yasak" adlı qısametrajlı filmlər çəkib. 1977-ci ildə isə "Yusif və Züleyxa" mövzusundakı ssenarisi ilə "Milliyet" qəzetinin Film Hekayəsi Mükafatını qazanıb.

Onat Kutlar və Işıl Özgentürk ilə birlikdə "At" və "Bekçi" filmlərini çəkib, daha sonra yazıçı Orhan Kamalın "Murtaza" əsərini ekranlaşdıraraq "Bekçi" filmini təqdim edib. Televiziya kanallarında apardığı proqramlarla, xüsusilə "Bir Yudum İnsan" verilişi ilə də yadda qalıb. Onun yazı və hekayələri müxtəlif qəzet və jurnallarda dərc olunub.

Milli.Az

Milli.Az - Xəbər Portalı

Türk sənət dünyasına ağır itki

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?