Türkiyə

Türkiyəni təhqir edən yunan əsgərləri belə CƏZALANDIRILDI

12 Aprel 2025 13:19

Baxış: 2 327

VTB-də minimal faiz dərəcəsi ilə nağd kredit 9.9%-dən

#TÜRKİYƏ #ƏSGƏR #CƏZA #YUNANISTAN

Yunanıstanda keçirilən rəsmi parada Türkiyə əleyhinə şüarlar səsləndirən əsgərlərə qarşı inzibati tədbir görülüb.

Milli.Az türk mediasına istinadla xəbər verir ki, Yunanıstan Silahlı Qüvvələrinin təşkil etdiyi "Müstəqillik Günü" paradı zamanı Hərbi Dəniz Qüvvələrinə aid tələbələrin "Kipr Yunanıstandır" və Türkiyəyə qarşı təhqiramiz ifadələr səsləndirməsi Ankara tərəfindən sərt şəkildə pislənib. Hadisədən sonra başlanan araşdırma yekunlaşıb və cəzalar açıqlanıb.

Mart ayının sonunda Afinada baş tutan hərbi paradda yayımlanan görüntülərdə əsgərlərin siyasi və təxribat xarakterli şüarlar səsləndirdiyi açıq-aşkar görünür. Sözgedən şüarlar ictimaiyyətdə və rəsmi dairələrdə qəzəblə qarşılanıb.

Türkiyə Xarici İşlər Nazirliyi bu insidentə dərhal reaksiya verərək Yunanıstandan rəsmi izahat tələb edib. Nazirlikdən yayımlanan bəyanatda bildirilir:

"Bu cür həyasız şüarlar Türkiyə-Yunanıstan münasibətlərinə xələl gətirir. Bu davranış qəbuledilməzdir və izahat gözləyirik" .

Milli Müdafiə Nazirliyindən (MSB) də məsələ ilə bağlı açıqlama verilib. Açıqlamada Türk Silahlı Qüvvələrinin belə təxribatçı və qeyri-peşəkar davranışlardan uzaq olduğu vurğulanıb:

"TSK-dan belə bir davranış nə görmüsünüz, nə də görəcəksiniz" .

Hadisənin ardından Yunanıstan Hərbi Komandanlığı tərəfindən araşdırma başladılıb. Yunan mətbuatında yer alan məlumata görə, araşdırma nəticəsində məsuliyyət daşıyan əsgərlərdən bəzilərinə 20 günlük həbs cəzası, digərlərinə isə daha yüngül inzibati cəzalar verilib.

Fidan
Milli.Az