Şou-biznes

Aras Bulut İynemli və daha 15 məşhur saxlanıldı - (Foto)

18 Sentyabr 2026 09:52

Baxış: 136

VTB-də minimal faiz dərəcəsi ilə nağd kredit 9.9%-dən

#MARAQLI #TÜRKİYƏ

İstanbulda məşhur şəxslərin də adlarının hallandığı narkotik istintaqı çərçivəsində əməliyyat keçirilib.

Milli.Az xəbər verir ki, Bakırköy Respublika Baş Prokurorluğunun apardığı istintaq çərçivəsində İstanbul Vilayət Jandarma Komandanlığının əməkdaşları tərəfindən əməliyyat təşkil olunub.

İstintaq çərçivəsində 18 şübhəlinin saxlanılması, evlərində axtarış aparılması və bioloji müayinədən keçirilməsi barədə qərar qəbul edilib. Hazırda onlardan 15-nin saxlanıldığı bildirilir.

Saxlanılanlar arasında aktyorlar Aras Bulut İynemli, Melis Sezen, Nilperi Şahinkaya, Melis İşiten, Hazal Filiz Küçükköse, reper Sefo, keçmiş futbolçu Həsən Şaş, müğənni Anıl Durmuş, Yeliz Yeşilmen, Hande Demir, Volkan Akçıray, Zeynep Akçıray, Eda Güzelkic, Sezer Çakır və Sayat Zurnacı da var.

Prokurorluğun açıqlamasına görə, istintaq zamanı narkotik və stimullaşdırıcı maddələrdən istifadə etmələri, onların istifadəsinə kömək göstərmələri və ya bu məqsədlə məkan təmin etmələri ilə bağlı əsaslı şübhələri dəstəkləyən dəlillər əldə edilib.

Saxlanılan şəxslər üzərində axtarış və bioloji müayinə prosedurlarının aparıldığı, daha sonra ifadələrinin alınması üçün Baş Prokurorluğa gətiriləcəkləri bildirilib.

İstintaq davam edir.

Müəllif: Nərmin Mahmudova (Milli.Az müxbir)