Türkiyə

Türkiyədə yeni doğulan körpəyə azərbaycanlı həkimin adı verilib - Ətraflı VİDEOda

20 Fevral 2023 11:51

Baxış: 2 122

VTB-də minimal faiz dərəcəsi ilə nağd kredit 10.49%-dən

#VİDEO #ZƏLZƏLƏ

O, zəlzələnin insanlara yaşatdığı dəhşəti anasının qarnında hiss edir. Qorxu, həyəcan, stress və elə o gərginliyin arasında göz açır bu dünyaya. Bu balaca qızcığaza ailəsi Elvin adını qoyur...

Hadisələr Türkiyənin Adıyaman bölgəsində cərəyan edir. Dəhşətli zəlzələ dəqiqələr içərisində minlərlə ailənin çırağını söndürdüyü bir vaxt, Dizmən ailəsi daha şanslı olur. Çünki ata, Elif adlı qızları və bətnində daha bir körpəsi olan ana canlarını qurtara bilirlər. Hamilə qadın təcili olaraq xəstəxanaya yerləşdirilir və qız uşağı doğulur. Bundan sonra ana və balası azərbaycanlı bir həkimə - Elvin İsazadəyə əmanət edilir.

Həmyerlimiz Elvin İsazadə fəlakətdən sonra Adıyaman bölgəsinə könüllü olaraq yollanır. Yuxusuz gecələr, gərgin iş, dayanmadan gətirilən çox sayda yaralı insan və həmin bölgədə ard-arda qeydə alınan 4-5 bal gücündə zəlzələlər... Lakin bütün bu gərginlik onun fədakarlığının qarşısını ala bilmir.

Cərrah Elvin İsazadə əslən İsmayıllı rayonunun Cülyan kəndindəndir. Hazırda Türkiyədə yaşayıb, fəaliyyət göstərən həkim 44 günlük Vətən müharibəsi dönəmində də ölkəmizə gələrək cəbhə bölgəsində yaralılara ilkin tibbi yardım göstərib.

Milli.Az Xəzər TV-yə istinadən mövzu ilə bağlı daha ətraflı videomaterialı təqdim edir:

Milli.Az