Şou-biznes

“"Narkozsuz" üz gərmə əməliyyatı etdirdim, gözüm açıq idi”

12 Dekabr 2025 19:23

Baxış: 457

VTB-də minimal faiz dərəcəsi ilə nağd kredit 10.49%-dən

#ŞOU-BİZNES #MÜĞƏNNİ #ƏMƏKDAR ARTİST #ŞOU #PLASTİK CƏRRAHİYYƏ #ESTETİK ƏMƏLİYYAT

Əməkdar artist Ruhəngiz Allahverdiyeva "Öz aramızda" verilişində şəxsi həyatı və keçirdiyi estetik əməliyyatla bağlı maraqlı açıqlamalar verib.

Milli.Az xəbər verir ki, müğənni bir müddət öncə üzərində etdirdiyi əməliyyatın detalları ilə tamaşaçıların diqqətini çəkib.

Sənətçi üz gərmə əməliyyatını tam narkozsuz, yalnız yerli keyitmə ilə keçirdiyini etiraf edib:

"Mən narkoz istəmədim. Yerlisi ilə etdirdim. Qorxdum ki, yatıb durmaram. Gözüm açıq idi, amma heç nə hiss etmirdim. Üz dərim qaldırılıb dartıldı, yenidən tikildi", - deyə o bildirib.

Ruhəngiz Allahverdiyeva həmçinin 1985-ci ildə keçirdiyi burun əməliyyatının ağır olduğunu xatırladıb:

"Burun əməliyyatını da o vaxt keyitmə ilə etmişdim. Çox çətin idi, çəkiclə sındırırdılar, çox ağrılı idi", - deyə sənətçi ifadə edib.

Müğənni əməliyyatlarını şəxsi seçimi kimi dəyərləndirib və tənqidlərə cavab verib:

"Mən müğənniyəm, özüm və ailəm üçün xoş görünmək istəyirəm, ona görə əməliyyat etdirmişəm. '70 yaşı var' deyib tənqid edənlərə cavabım budur. Mən dünya gözəli deyiləm. Gözüm mavi-yaşıl, qaşlarım çatma, saçlarım uzun olsaydı, heç makiyaj belə etməzdim".

Onun səmimi açıqlamaları studiyada da, sosial şəbəkələrdə də geniş müzakirə yaradıb.

Musa
Milli.Az