İdman

Bakıda Batut Gimnastikası üzrə 28-ci Dünya Yaş Qrupları Yarışlarının ikinci günü start götürüb - FOTO

27 Noyabr 2021 10:36

Baxış: 448

#GİMNASTİKA

Noyabrın 27-də Bakıda Milli Gimnastika Arenasında Batut Gimnastikası üzrə 28-ci Dünya Yaş Qrupları Yarışlarının üçüncü günü start götürüb.

Milli.Az Trend-ə istinadən xəbər verir ki, yarışların ikinci günündə 11-12 yaş qrupunda tamblinq, 13-14 yaş qrupunda ikili mini-batut, 17-21 yaş qrupunda batut üzərində fərdi hərəkətlərdə, 15-16 yaş qrupunda sinxron hərəkətlərdə təsnifat mərhələsi keçiriləcək.

Günün ikinci yarısında isə həmin növlərdə final mərhələsi baş tutacaq.

Yarışların üçüncü günündə Azərbaycan adından Selcan Maqsudova, Əli Niftəliyev və Mehdi Əliyev çıxış edəcək.

Qeyd edək ki, 25-28 noyabr tarixlərində keçiriləcək 28-ci Dünya Yaş Qrupları Yarışlarında 32 ölkədən 650 idmançı iştirak edir.

Gimnastlar həm batut, həm tamblinq, həm də ikili mini-batut üzrə yarışlarda 11-12, 13-14, 15-16 və 17-21 yaş kateqoriyasında yarışırlar.

Yarışda gimnastlar batut üzərində fərdi və sinxron tullanışlar, tamblinq və ikili mini-batut üzrə proqramlarda çıxış edirlər.

Yarışlarda Azərbaycanı 15 gimnast təmsil edir. Batut gimnastikasında Selcan Maqsudova, Maqsud Maqsudov, Ammar Baxşəliyev, İbrahim Mustafazadə, Mehdi Əliyev, Nicat Mirzyəyev, Əli Niftəliyev, Şəfiqə Hümbətova, Səma Cəfərova, tamblinq yarışlarında Tofiq Əliyev, Adil Hacızadə, Bilal Qurbanov, Hüseyn Əsədullayev, Aleksey Karataşov və Elnur Məmmədov iştirak edirlər.

Milli.Az