İdman

Şenol Günəş: "Düşündüyümüzün tam əksi oldu"

20 İyun 2021 22:40
Baxış: 1 542
VTB-də minimal faiz dərəcəsi ilə nağd kredit 9.9%-dən
#AVRO-2020

"Üzgünük. Bu turnirin uzun müddətdir gözləyirdik".

Milli.Az apasport.az-a istinadən bildirir ki, bunu Türkiyə millisinin baş məşqçisi Şenol Günəş AVRO-2020-nin qrup mərhələsinin son turunda Bakı Olimpiya Stadionunda İsveçrə ilə keçirilən oyundan sonra deyib.

A qrupunda yer alan "ay-ulduzlular" İtaliya və Uelsin ardından İsveçrəyə də məğlub olaraq (1:3) turnirdəki çıxışını xalsız başa vurub.

Qarşılaşmadan sonra təşkil olunan mətbuat konfransında Günəş uğursuz çıxışı belə əsaslandırıb: "Özümüzü göstərmək, yaxşı nəticə gözləyirdik. Qrupdan çıxmaq bizim üçün hədəf idi. Pis başladıq. Bu gün daha yaxşı başladıq. Amma qollar buraxdıq. Azarkeşlərimiz bizdən çox şey gözləyirdi. Amma bunu doğrulda bilmədik. Uelsə qarşı oyunla müqayisədə bu gün daha yaxşı idik".

Mütəxəssis daha yaxşı nəticəyə ümidli olduğunu bildirib: "Düşündüyümüzün tam əksi oldu. Bu gün toparlanmalı idik. Amma qol vura bilmədik. Qarşılaşmada uduzan biz olduq. İsveçrənin də istedadlı oyunçuları var. Qalib gələ bilərdik. Həm Uelslə, həm İsveçrə ilə görüş İtaliya ilə matçın kölgəsində qaldı. Futbolçular da üzgündür. 1/8 finala çıxmalı idik. Lakin bacarmadıq. Bu turniri belə keçirmək məyusedicidir".

Günəş uğursuzluğa səbəb göstərməkdə çətinlik çəkib: "1:2-dən sonra hücumlar gözləyirdik. Amma qol buraxdıq. Xal ala bilmədik. Komandamız gəncdir. Onlara güvənirəm, inanıram. Burda nə desək, düz olmaz. Təcrübə çatmadı. Futbolçulara təşəkkür edirəm. Onların gələcəyi parlaqdır. Daha yaxşı milli komandamız olacaq. Oynadığımız uğurlu matçlar arxada qaldı. Buraya gələndən sonra onların əhəmiyyəti yoxdur. Bundan dərs almalı, təcrübə qazanmalıyıq. Daha çox çalışmalıyıq. Komanda uğur qazana bilmədi, gözləntiləri doğrultmadı".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.