PUL
.jpg)
Ölkəmizi avrokuboklarda təmsil edəcək bütün klublar bəlli olub. Milli.Az matc.az-a istinadən bildirir ki, "Neftçi" qızıl medalların sahibi kimi Çempionlar Liqasına vəsiqəni təmin edib. Paytaxt təmsilçisi ÇL-in birinci mərhələsində "səpələnməmişlər" səbətində yer alacaq və daha güclü rəqiblə qarşılaşacaq.
"Qarabağ" 2-ci, "Sumqayıt" 3-cü pillənin sahibi olaraq Konfrans Liqasında oynamaq hüququ qazanıb. Hər iki komanda ikinci mərhələdən mübarizə aparacaqlar.
Qeyd edək ki, Konfrans Liqasına son vəsiqənin sahibi mayın 24-ü keçiriləcək Azərbaycan kubokunun finalında "Keşlə" - "Sumqayıt" matçından sonra müəyyənləşəcək.
"Keşlə" qalib gəlsə, Konfrans Liqasına vəsiqəni təmin edəcək. "Sumqayıt"ın qalibiyyəti təqdirdə, ölkə çempionatında 4-cü yerin sahibi "Zirə" avrokuboklarda oynamaq hüququ qazanacaq.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
