İdman

Millimiz seçmə mərhələni qələbə ilə başa vurdu

23 Fevral 2021 22:43

Baxış: 990

VTB-də minimal faiz dərəcəsi ilə nağd kredit 9.9%-dən

#AZƏRBAYCAN FUTBOLU

Qadınlardan ibarət Azərbaycan millisi növbəti oyununu keçirib.

Milli.Az apasport.az-a istinadən bildirir ki, yığmamız AVRO-2022-nin seçmə mərhələsində son matçına çıxıb.

Bunadək keçirdiyi 7 oyunun hamısında uduzan Siyasət Əsgərovun yetirmələri autsayderlərin duelində Moldova ilə görüşüb. "ASK Arena"dakı matç heç bir əhəmiyyət kəsb etməyən 4-cü yer uğrunda mübarizə ilə əlamətdar olub.

Yeganə qələbəsini millimiz üzərində qazanan qonaqlar sonuncu olmamaq üçün Bakıya gəlib. Komandamız isə səfərdəki 1:3 hesablı məğlubiyyətin əvəzini çıxmaqla son sıradan qurtulmaq üçün çalışıb.

Görüşün taleyini bir qol həll edib. Müxtəlif ölkələrdən cəlb olunan milliləşən legionerlər hesabına heyəti gücləndirən Azərbaycan yığması yalnız qarşılaşmanın ikinci hissəsində qələbə qoluna imza atıb. Aysun Əliyeva fərqlənib. Lakin bu top sonuncu pillədən qurtulmaq üçün yetərli olmayıb və yığmamız tsikli 5-ci yerdə bitirib.

Qeyd edək ki, D qrupunda mübarizəyə bu gün saat 22:00-da başlayacaq İspaniya - Polşa görüşü ilə yekun vurulacaq.

AVRO-2022-nin seçmə mərhələsi
D qrupu
23 fevral
18:00. Azərbaycan - Moldova - 1:0
Aysun Əliyeva, 46