İdman

Top-5 liqalarda məğlub olmayan yeganə komanda

23 Dekabr 2020 21:10
Baxış: 1 871
VTB-də minimal faiz dərəcəsi ilə nağd kredit 10.49%-dən

Cari mövsüm məğlub olmayan "Yuventus" İtaliya A Seriyasının 14-cü turu çərçivəsində öz meydanında "Fiorentina" klubunu qəbul edib. Oyun gözlənilmədən qonaqların 3:0 hesablı qələbəsi ilə başa çatıb.

Milli.Az AZƏRTAC-a istinadən bildirir ki, bu görüşdən sonra cari mövsüm Avropanın ən güclü top-5 liqalarında məğlubiyyətin acısını yaşamayan yalnız - "Milan" klubu qalıb.

A Seriyasında lider olan "Milan" mövsüm ərzində 13 matç keçirib, 9 qələbə qazanıb və 4 dəfə heç-heçə edib. "Yuventus" və "İnter"in hər birinin aktivində 1 məğlubiyyət var.

İngiltərədə "Liverpul", İspaniyada "Atletiko Madrid", Almaniyada "Bavariya", "Bayer Leverkuzen", "Leypsiq", "Volfsburq", Fransada "Lil" ve "Lion" komandaları da hərəyə bir dəfə məğlub olublar.

Qeyd edək ki, "Yuventus" dekabrın 22-də çempionatda ilk məğlubiyyətini almaqla yanaşı, eyni zamanda, apellyasiya məhkəməsi üçüncü turda onun "Napoli" üzərindəki texniki qələbəsini də ləğv edib.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.