Norveç millisinin və "Borussiya"nın (Dortmund) futbolçusu Erlinq Holand Millətlər Liqasının qrup mərhələsinin ən yaxşı bombardiri olub.
Milli.Az qol.az-a istinadən xəbər verir ki, 20 yaşlı hücumçu yığmanın heyətində 4 oyunda 6 qol vurub. Bu, turnirin bütün iştirakçıları arasında ən yaxşı nəticədir.
Bombardirlik yarışında İsrail millisinin üzvü Eran Zahavi və Belçika yığmasının futbolçusu Romelu Lukaku 5 qolla 2-ci yeri bölüşdürüblər. Sokol Tsikaleşi (Albaniya) və Kristian Eriksen (Danimarka) hərəyə 4 dəfə fərqlənməklə növbəti sırada qərarlaşıblar.
Milli.Az