İdman

“Neftçi”-“Şkupi” matçının UEFA nümayəndəsi və hakim-inspektoru müəyyənləşib

20 Avqust 2020 08:18

Baxış: 1 089

VTB-də minimal faiz dərəcəsi ilə nağd kredit 10.49%-dən

#AZƏRBAYCAN FUTBOLU #ÇEMPİONLAR LİQASI

UEFA Avropa Liqasının birinci təsnifat mərhələsi çərçivəsində keçiriləcək "Neftçi" (Bakı) - "Şkupi" (Şimali Makedoniya) matçının UEFA nümayəndəsi və hakim-inspektoru müəyyənləşib.

Milli.Az AZƏRTAC-a istinadən bildirir ki, oyunun UEFA nümayəndəsi Oleq Molçanov (Moldova), hakim-inspektoru isə Orhan Erdemir (Türkiyə) olacaq.

Bundan əvvəl "Neftçi" -"Şkupi" matçının hakim təyinatları da açıqlanmışdı. Oyun Latviyadan olan hakimlər briqadasına tapşırılıb. Matçın baş hakimi Aleksandrs Qolubevs olacaq. Ona Raymonds Tatriks və Yevgeniys Morozovs kömək edəcəklər. Dördüncü hakim funksiyasını Artis Kenins yerinə yetirəcək.

Qeyd edək ki, avqustun 27-də "Bakcell Arena"da keçiriləcək "Neftçi" - "Şkupi" oyunu saat 20:00-da başlayacaq.

Milli.Az