İdman

"Bavariya" "Barselona"nın qapısından 8 top keçirdi - FOTO

15 Avqust 2020 07:05

Baxış: 2 089

VTB-də minimal faiz dərəcəsi ilə nağd kredit 10.49%-dən

#ÇEMPİONLAR LİQASI #FUTBOL

Avqustun 14-də UEFA Çempionlar Liqasının dörddəbir final mərhələsinin mərkəzi qarşılaşması keçirilib.

Lissabondakı "Estadio da Luz" stadionunda oynanılan görüşdə "Bavariya" (Almaniya) və "Barselona" (İspaniya) komandaları üz-üzə gəlib.

Görüş Münxen təmsilçisinin 8:2 hesablı qələbəsi ilə başa çatıb.

"Bavariya"nın heyətində Tomas Müller (2), İvan Perişiç, Serj Qnabri, Coşua Kimix, Robert Levandovski və Felipe Koutinyo (2), "Barselona"dan isə Luis Suares və David Alaba (avtoqol) fərqləniblər.

Bu qələbə sayəsində "Bavariya" qitənin ən nüfuzlu klub turnirinin yarımfinal mərhələsinə vəsiqə qazanıb.

Almanlar növbəti mərhələdə "Mançester Siti" - "Lion" cütün qalibi ilə qarşılaşacaq.

Bundan əvvəl isə yarımfinala "PSJ" (Fransa) və "Leypsiq" (Almaniya) komandaları çıxıblar.

"Mançester Siti" (İngiltərə) - "Lion" (Fransa) oyunu bu gün keçiriləcək.

Qeyd edək ki, UEFA Çempionlar Liqasının qarşılaşmaları "8-lər finalı" formatında Portuqaliyanın paytaxtı Lissabonda oynanılır.

14 avqust

23:00. "Barselona" (İspaniya) - "Bavariya" (Almaniya) - 2:8
Qollar: Müller, 4 (0:1), Alaba, 6-avtoqol (1:1), Perişiç, 22 (1:2), Qnabri, 28 (1:3), Müller, 31 (1:4), Suares, 57 (2:4), Kimmix, 63 (2:5), Levandovski, 82 (2:6), Koutinyo, 86 (2:7), 89 (2:8)

15 avqust

23:00. "Mançester Siti" (İngiltərə) - "Lion" (Fransa)

12 avqust

"Atalanta" (İtaliya) - PSJ (Fransa) - 1:2

13 avqust

23:00. "Leyptsiq" (Almaniya) - "Atletiko" (Madrid, İspaniya) - 2:1

Milli.Az