İdman

Futbolçuların qiyməti düşdü

9 Aprel 2020 16:28

1 Şərh Baxış: 1 144

VTB-də minimal faiz dərəcəsi ilə nağd kredit 10.49%-dən

#FUTBOL #TENNİS #KORONAVİRUS

Transfermarkt portalı koronavirus pandemiyası səbəbindən bütün futbolçuların qiymətini aşağı salmağa qərar verib.

Milli.Az qol.az-a istinadən xəbər verir ki, 1998-ci il və daha aşağı təvəllüdlü futbolçularının qiyməti 10 faiz, digərlərinin isə 20 faiz azalıb. Klubların teleyayım, reklam və digər marketinq gəlirlərinin azalması səbəbindən qiymət aşağı salınıb.

Bununla da, dünyanın bütün futbolçularının bazar qiymətində ümumilikdə 9.22 milyard avro azalma müşahidə olunub.

Qiymət dəyişikliyindən sonra dünyanın ən bahalı futbolçularının qiyməti aşağıda qeyd olunan kimidir:

1. Kilian Mbappe (Fransa, PSJ) - 180 milyon avro (daha əvvəl 200 milyon avro)

2-3. Neymar (Braziliya, PSJ) və Rahim Sterlinq (İngiltərə, "Mançester Siti") - 128 milyon (daha əvvəl 160 milyon)

4-7. Kevin de Brüyne (Belçika, "Mançester Siti"), Harri Keyn (İngiltərə, "Tottenhem"), Məhəmməd Salah (Misir, "Liverpul") və Sadio Mane (Seneqal, "Liverpul") - 120 milyon avro (daha əvvəl 150 milyon)

8. Ceydon Sanço (İngiltərə, "Borussiya" Dortmund) - 117 milyon (daha əvvəl 130 milyon)

9. Lionel Messi (Argentina, "Barselona") - 112 milyon (daha əvvəl 140 milyon)

10. Aleksandr Trent-Arnold (İngiltərə, "Liverpul") - 99 milyon (daha əvvəl 111 milyon)

Milli.Az