İdman

Ukraynalı gimnast "AGF Junior Trophy" beynəlxalq turnirində dəstəli at üzərində hərəkətlərdə qızıl medal qazanıb

8 Mart 2020 13:23

Baxış: 804

VTB-də yüksək depozit faizleri daha çox qazandırır

#GİMNASTİKA

Ukraynalı gimnast Radomir Stelmax kişi idman gimnastikası üzrə birinci "AGF Junior Trophy" beynəlxalq turnirinin finalında dəstəli at üzərində hərəkətlərdə 13.500 xal toplayaraq qızıl medal qazanıb.

Milli.Az Trend-ə istinadən bildirir ki, 13.350 xalla Gürcüstan təmsilçisi Daçi Dolidze gümüş medal, 13.250 xalla digər ukraynalı gimnast Mikita Melnikov isə bürünc medal qazanıblar.

Azərbaycan gimnastı Rəsul Əhmədzadə 10.950 xalla 8-ci yerdə qərarlaşıb.

Qeyd edək ki, Azərbaycan Gimnastika Federasiyası ilk dəfə olaraq kişi idman gimnastikası üzrə "1-ci AGF Junior Trophy" adlı beynəlxalq turnir təşkil edir. Milli Gimnastika Arenasında keçiriləcək yarışda gənclər yaş qrupuna daxil olan 2003-2006-cı il təvəllüdlü gimnastlar öz bacarıqlarını nümayiş etdirəcəklər.

"AGF Junior Trophy" 27-31 may tarixində elə Milli Gimnastika Arenasında təşkil ediləcək kişi idman gimnastikası üzrə Avropa Çempionatından öncə gənc gimnastlar üçün bir növ sınaq turniri rolunu oynayır.

Milli.Az