İdman

7 cüdoçumuz mübarizəyə qoşuldu - FOTO

16 Fevral 2020 15:29

0 Şərh Baxış: 746

VTB-də minimal faiz dərəcəsi ilə nağd kredit 10.49%-dən

#CÜDO

İspaniyanın Fuenxirola şəhərində Azərbaycanın yeniyetmə cüdoçularının da qatıldıqları Avropa kuboku turniri davam edir.

Milli.Az qafqazinfo-ya istinadən xəbər verir ki, turnirin ikinci yarış günündə oğlanlar arasında cüdoçularımızdan Nahid İsmayılov (73 kq), Əlirza Şıxəlizadə, Vüqar Talıbov (81 kq), Hüseyn Dadaşov (90 kq), Məhəmməd Məmmədzadə (90 kq) mübarizə aparırlar.

Qızların yarışında ölkəmizi Fidan Əlizadə və Aytac Qardaşxanlı (57 kq) təmsil edir.

Qeyd edək ki, cüdoçularımız Avropa kuboku turnirinin birinci günündə uğurla çıxış edərək 1-i qızıl, 3-ü gümüş, 2-si bürünc olmaqla, ümumilikdə, 6 medal qazanıblar. Belə ki, Sahib Babayev (50 kq) qızıl, İslam Rəhimov (50 kq), Samir Piriyev (55 kq) və Səbinə Əliyeva (48 kq) gümüş, Səbinə Qədirova (52 kq) və Qədir Hüseynov (55 kq) bürünc medala layiq görülüb.

Azərbaycan bu nəticə ilə komanda hesabında üçüncü yeri tutur. Avropa kuboku turnirinə fevralın 16-da yekun vurulacaq.

Milli.Az