İdman

Azərbaycan Gimnastika Federasiyası hər zaman məşqlər üçün ən yaxşı şərait yaradır

3 Fevral 2020 16:43

Baxış: 1 035

VTB-də minimal faiz dərəcəsi ilə nağd kredit 10.49%-dən

#GİMNASTİKA

Milli Gimnastika Arenası möhtəşəmdir, burada idmançı və məşqçilərin arzuladığı şərait var.

Milli.Az bildirir ki, bunu Trend-ə bədii gimnastika üzrə Gürcüstan milli komandasının böyük məşqçisi Eliso Bedoşvili deyib.

O bildirib ki, Gürcüstanın məqsədi 2020-ci il Tokio Yay Olimpiya oyunlarına vəsiqə qazanmaqdır:

"Azərbaycan Gimnastika Federasiyası bizi dəvət edib və builki ilk yarışımıza hazırlaşmağa imkan yaradıb. Biz Moskvada keçirilən Qran-pri yarışı, eləcə də Dünya Kubokunun lisenziya xarakterli yarışlarına hazırlaşırıq. Azərbaycan Gimnastika Federasiyası bizi hər zaman dəstəkləyir, kömək edir və məşqlər üçün ən yaxşı şəraiti yaradır".

E.Bedoşvili qeyd edib ki, Bakıya təlim-məşq toplanışına yalnız Salome Pajava gəlib, onun Olimpiya oyunlarına vəsiqə qazanmaq şansı var:

"Ona görə də ən yaxşı gimnastımızın ən yaxşı şəraitdə məşq etməsi və qarşıdakı yarışlara hazırlaşması vacibdir. Azərbaycan Gimnastika Federasiyasında çox mehriban kollektiv işləyir, onlar bizim proqramımızda çatışmazlıqları göstərir. Azərbaycan milli komandasının baş məşqçisi Mariana Vasileva kompozisiyalarda hər bir detala diqqət verir. Bizim üçün yaxşı mütəxəssislərin fikri çox vacibdir".

Qeyd edək ki, gürcüstanlı gimnast Salome Pajava Bakıda təlim-məşq toplanışlarına iştirak edir.

Milli.Az