İdman

Mariya Stadnik finalda

27 İyun 2019 19:47
1 Şərh     Baxış: 1 921
VTB-də minimal faiz dərəcəsi ilə nağd kredit 9.9%-dən
#MİNSK 2019 #AVROPA OYUNLARI

Belarusun paytaxtı Minskdə II Avropa Oyunları davam edir.

Milli.Az Qol.az-a istinadən bildirir ki,  bu gün daha 4 qadın güləşçimiz mübarizəyə qoşulub.

50 kq

Güləşçimiz Mariya Stadnik yarışa 1/4 final mərhələsindən start verib. O, bu mərhələdə Anna Lukasiakdan (Polşa) güclü olub - 10:0. Güləşçimiz rəqibini 52 saniyəyə məğlub edib. Stadnik yarımfinalda  Evin Demirhanla (Türkiyə) qarşılaşıb və 6:1 hesabı ilə qalib gəlib. O, həlledici qarşılaşmada rəqibi ukraynalı Oksana Livaç olacaq.

57 kq

Bu çəkidəki təmsilçimiz Alyona Kolesnik 1/8 finalda Ramona Qalambos (Macarıstan) ilə üz-üzə gəlib və 10:0 hesabı ilə qalib gələrək növbəti mərhələyə yüksəlib.  Güləşçimiz 1/4 finalda Mimi Xristovaya (Bolqarıstan) uduzub - 0:6. Kolesnik təsəlliverici görüşlərə çıxacaq.

62 kq

Elmira Qəmbərova 1/8 finalda  Luzi Manke (Almaniya) ilə qarşılıb. Rəqibinə 4:0 hesabı ilə qalib gələn Qəmbərova 1/4 finalda Katarzina Madrovska (Polşa) ilə görüşüb. 9:0 hesabı ilə qalib gələn Qəmbərovanın yarımfinaldakı rəqibi Krişta İnçze (Rumıniya) olub. İdmançımız 4:1 qələbə qazanaraq finala yüksəlib.

76 kq

Səbirə Əliyeva isə ilk olaraq Aykaterinierini Pitsiava (Yunanıstan) ilə qarşılaşıb və 9:0 hesabı ilə qalib gəlib. O, 1/4 finalda Georgina Neltorpla (Böyük Britaniya) üz-üzə gəlib. 8:2 hesabı ilə rəqibini məğlub edən Əliyeva yarımfinalda Frensi Rideltlə (Almaniya) qarşılaşacaq.

Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.