İdman

De Xea “Mançester Yunayted”dən gedir

31 Dekabr 2015 19:15
1 Şərh     Baxış: 1 773
VTB-də minimal faiz dərəcəsi ilə nağd kredit 9.9%-dən

İngiltərənin "Mançester Yunayted" klubunun ispaniyalı qapıçısı David De Xea qış fasiləsi dövründə komandanı tərk edə bilər.

Milli.Az anspress-ə istinadən bildirir ki, De Xeanın Madridin "Real" komandasına keçəcəyi gözlənilir.

Bu barədə məlumatı "Goal.com" saytı yayıb. Saytın yazdığına görə, madridlilər artıq onun transferi məsələsini həll ediblər. "Real"in David De Xeanın transferi üçün ingilislərə 40 milyon avro ödəyəcəyi bildirilir. Xatırladaq ki, bu ilin yay mövsümündə De Xea "Real"a transfer edilməli idi. Avqustun 31-də gün ərzində De Xeanın "Real"a keçəcəyi gözlənilirdi.

Klublar 25 milyon euroya razılıq əldə etmişdilər. Həmçinin "Real"ın qapıçısı Keylor Navas da icarə əsasında qarşı tərəfə veriləcəkdi. Lakin son məqamda bu transfer baş tutmadı. 25 yaşlı De Xeanın "Real"a keçidinin baş tutmamasının günahkarı ispan klubu olmuşdu. Madrid klubu transfer üçün lazımı sənədləri La Liqa rəhbərliyinə vaxtında göndərə bilməyib. Bu səbəbdən də ispan qolkiper "Mançester Yunayted"də qaldı və bunun ardınca klubla müqaviləsinin müddətini 2019-cu ilə kimi uzatdı.
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.