İdman

Messiyə görə Argentinada bütün oyunlar dayandırılacaq - Xüsusi aksiya

3 Sentyabr 2026 09:45

Baxış: 454

VTB-də minimal faiz dərəcəsi ilə nağd kredit 9.9%-dən

#LİONEL MESSİ #ARGENTİNA #FUTBOL

Argentina Futbol Assosiasiyası (AFA) milli komanda karyerasını başa vuran Lionel Messiyə xüsusi ehtiram nümayiş etdirmək məqsədilə genişmiqyaslı aksiya təşkil edəcək.

Milli.Az xarici mətbuata istinadən xəbər verir ki, aksiya çərçivəsində kişilər və qadınlar arasında keçirilən bütün daxili yarışların növbəti turunun qarşılaşmalarında qeyri-adi addım atılacaq.

Belə ki, bütün matçlar 10-cu dəqiqədə bir dəqiqəlik dayandırılacaq. Bu zaman futbolçular və tribunadakı azarkeşlər Lionel Messinin şərəfinə alqışlarla əfsanəvi hücumçunun karyerasına və Argentina millisinin tarixinə verdiyi böyük töhfəni qeyd edəcəklər.

Qeyd edək ki, iyunun 24-də 39 yaşını tamamlayan Lionel Messi Argentina millisinin heyətində 207 qarşılaşmada meydana çıxıb. O, bu oyunlarda 125 qola imza atıb və 68 məhsuldar ötürmə verib.

Müəllif: Tural Hüseyn (Milli.Az redaktor)