İdman

Ançelotti mühakimə olunur - FOTO

3 Aprel 2025 08:45

Baxış: 529

VTB-də minimal faiz dərəcəsi ilə nağd kredit 10.49%-dən

#FUTBOL

"Real Madrid"in baş məşqçisi Karlo Ançelotti İspaniyada vergidən yayınma iddiası ilə bağlı açılan cinayət işi ilə əlaqədar hakim qarşısına çıxıb.

Milli.Az qafqazinfo-ya istinadən xəbər verir ki, "Mən müqavilə müddəti ərzində altı milyon təmiz gəlir alacağımı düşünürdüm. Heç vaxt nəyinsə səhv olmasından şübhələnməmişəm və prokurorluğun məni araşdırdığına dair heç bir xəbər almamışam", - deyə 65 yaşlı mütəxəssis bildirib.

Ançelotti deyib ki, "Real" bu barədə ona müraciət edəndə ingilis müşaviri ilə əlaqə saxlayıb və sonra məsələni daha ətraflı araşdırmayıb.

Qeyd edək ki, mütəxəssis 2014 və 2015-ci illərdə yalnız "Real Madrid"dəki maaşından vergi ödəyib, lakin əlavə gəlir mənbələrindən vergi ödəməyib. Ümumi borc məbləği 1.062 milyon avro (1.94 milyon manat) təşkil edib.

Prokurorluq Ançelotti üçün 4 il 9 ay müddətinə həbs cəzası tələb edir.

Xatırladaq ki, 65 yaşlı Ançelotti 2021-ci ildən "Real Madrid"ə rəhbərlik edir. Bundan əvvəl isə 2013-2015-ci illərdə komandanın "sükanı arxası"nda olub.

Milli.Az