İdman

"Qarabağ"ın rəsmisi Avropa Klublar Birliyinin İşçi qrupuna üzv seçildi

2 Aprel 2025 21:10
Baxış: 394
VTB-də minimal faiz dərəcəsi ilə nağd kredit 10.49%-dən

"Qarabağ"ın Mətbuat Xidmətinin rəhbəri Anar Hacıyev Avropa Klublar Assosiasiyasının (ECA) Azarkeşlərlə İş üzrə İşçi qrupuna (Fans Working Group) üzv seçilib.

Milli.Az xəbər verir ki, Ağdam təmsilçisindən verilən məlumata görə, o, 2025-2027-ci illəri əhatə edən dövrdə sözügedən qurumda fəaliyyət göstərəcək.

Hacıyev 25 ölkədən irəli sürülən çox sayda namizəd arasından qrupa üzv olmaq hüququ qazanıb. O, qrupun tərkibində "Yuventus", "Tottenhem", "Çelsi", "Betis", PSV, "Leypziq" kimi klublardan olan mütəxəssislərlə birlikdə yer alacaq.

Qeyd edək ki, "Qarabağ"ın İdarə Heyətinin üzvü Asif Əsgərov 2023-cü ildə keçirilmiş seçkidə Avropa Klublar Birliyinin İdarə Heyətinin, "Qarabağ" Futbol Akademiyasının meneceri Nail Kərimov isə adıçəkilən qurumun Uşaq Futbolu üzrə İşçi qrupunun (2025-2027) üzvü seçilib.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.