İdman

Kapitan siqaretə görə Olimpiya yığmasından qovuldu

19 İyul 2024 21:35

Baxış: 522

VTB-də minimal faiz dərəcəsi ilə nağd kredit 10.49%-dən

#İDMAN

İdman gimnastikası üzrə qadınlardan ibarət Yaponiya yığmasının kapitanı Seko Miyata milli komandanın davranış kodeksini pozduğuna görə olimpiya yığmasından xaric edilib.

Milli.Az lent.az-a istinadən xəbər verir ki, bu barədə "Kyodo" agentliyi məlumat yayıb.

Mənbənin məlumatına görə, 19 yaşlı gimnast Monakoda təlim-məşq toplanışı zamanı siqaret çəkərkən yaxalanıb. İdmançı iyulun 17-də baş tutan açıq məşqi buraxıb. Ertəsi gün Miyatanın Olimpiadada iştirak etməyəcəyi və evə göndəriləcəyi açıqlanıb.

Yaponiya qanunlarına görə, yaşı 20-dən aşağı olan insanlara siqaret çəkmək və spirtli içki qəbul etmək qadağandır. Oxşar qaydalar, əgər milli komanda Yaponiyadan kənarda yerləşirsə, ona da şamil edilir.

Miyata 2022-ci il Dünya Çempionatında debütündə bürünc qazanıb. Həmin il Asiya çempionatında o, tullanma və döşəmə hərəkətlərində gümüş, komanda hesabında isə bürünc medal qazanıb.

Milli.Az
Xəbərlərimizi WhatsApp kanalımızdan da oxuyun