Şou-biznes

Maykl Ceksonun qızının burnundan dəlik açıldı: "İçindən makaron keçir"

13 Noyabr 2025 18:30

Baxış: 1 581

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏŞHURLAR #AİLƏ

Maykl Ceksonun yeganə qızı, 27 yaşlı Peris Cekson illər boyu narkotik maddələrdən istifadənin nəticələrini göstərən sarsıdıcı video paylaşaraq izləyicilərini heyrətə salıb.

Milli.Az xəbər verir ki, müğənni keçmişdə narkotik istifadəsi səbəbindən burun arakəsməsində dəlik əmələ gəldiyini etiraf edib.

"Instagram"da yayılan videoda Peris fənərlə burun dəliyini göstərib və nəfəs alarkən eşidilən fit səslərinin fiziki səbəbini izah edib.

"Bu, elə düşündüyünüz kimidir. Uşaqlar, narkotik qəbul etməyin. Mən heç kimə nə etməli olduğunu demirəm, amma bunu məsləhət görmürəm - bu, həyatımı məhv etdi..." - Peris etiraf edib.

O, bildirib ki, artıq altı ildir narkotiklərdən uzaqdır və burundakı qüsuru cərrahi yolla düzəltməyi düşünmür. Səbəb isə əməliyyatdan sonra istifadə edilə biləcək dərmanların onu yenidən asılılığa sürükləmə riskidir. Peris hətta zarafatla deyib ki, indi burun dəliyindən makaron keçirmək mümkündür.

Qeyd edək ki, Maykl Ceksonun ölümündən sonra Peris çox çətin dövr yaşayıb. O, bir neçə dəfə intihara cəhd edib, həmçinin əyləncə məclislərində içki və narkotik təsiri altında aldığı xəsarətlər səbəbindən xəstəxanaya yerləşdirilib. /Lent.az

Milli.Az