Sağlamlıq

Yaşı 50-dən yuxarı kişilər mütləq bu müayinədən keçməlidir

13 Noyabr 2025 22:00

Baxış: 353

VTB-də yüksək depozit faizleri daha çox qazandırır

#SAĞLAMLIQ #KİŞİ

Yaşı 50-dən yuxarı kişilər mütləq bu müayinədən keçməlidir.

Milli.Az xəbər verir ki, bunu rusiyalı həkim Samir Sanqvi deyib.

"50 yaşdan yuxarı kişilər sağlamlıqlarını qorumaq üçün mütləq qan analizindən keçməlidirlər. Bir çox kişi prostat vəzi ilə bağlı müayinələrdən çəkinir, çünki rektal baxışdan qorxur. Lakin prostat xərçənginin erkən aşkarlanması üçün bu qədər narahatlığa ehtiyac yoxdur. Təkcə qan analizi vasitəsilə PSA (prostat-spesifik antigen) səviyyəsini yoxlamaq kifayətdir".

Bu analiz 50 yaşdan sonra xüsusilə vacibdir, çünki həmin yaşda prostat xəstəliklərinin yaranma riski əhəmiyyətli dərəcədə artır. Lazım gələrsə, həkimlər əlavə olaraq MRT müayinəsi də təyin edə bilərlər.

Sanqvi kişilərə xərçəng əlamətlərini gözləmədən, profilaktik müayinələrdən mütəmadi keçməyi məsləhət görüb. Onun sözlərinə görə, simptomlar artıq xəstəliyin irəliləmiş mərhələdə olduğunu göstərir, çünki bu zaman böyümüş şiş sidik kanalına təzyiq göstərməyə başlayır.

İsmayıl
Milli.Az